வெளியேற்றப்பட்டது மன்செஸ்டர் யுனைட்டெட்

இங்கிலாந்து கால்பந்தாட்ட லீக் கிண்ணத் தொடரிலிருந்து மன்செஸ்டர் யுனைட்டெட் வெளியேற்றப்பட்டுள்ளது.

விலகல் முறையிலான இத்தொடரில், தமது மைதானத்தில் இன்று அதிகாலை நடைபெற்ற வெஸ்ட் ஹாம் யுனைட்டெட்டுடனான மூன்றாவது சுற்றுப் போட்டியில் 0-1 என்ற கோல் கணக்கில் தோல்வியடைந்தே தொடரிலிருந்து யுனைட்டெட் வெளியேற்றப்பட்டுள்ளது.

வெஸ்ட் ஹாம் சார்பாகப் பெறப்பட்ட கோலை மனுவல் லன்ஸினி பெற்றிருந்தார்.

இப்போட்டியில், கிறிஸ்டியானோ ரொனால்டோ, போல் பொக்பா, ரஃபேல் வரான் உள்ளிட்ட நட்சத்திர வீரர்கள் மன்செஸ்டர் யுனைட்டெட்டுக்காக விளையாடவில்லை என்பதுடன், மாற்று வீரராகவே ப்ரூனோ பெர்ணான்டஸ் களமிறங்கியிருந்தார்.