ஸ்பெய்னை வீழ்த்தி இறுதிப் போட்டியில் இத்தாலி

யூரோ கிண்ணத் தொடரின் இறுதிப் போட்டிக்கு இத்தாலி தகுதி பெற்றுள்ளது.

பிரித்தானியாவில் இன்று அதிகாலை நடைபெற்ற ஸ்பெய்னுடனான அரையிறுதிப் போட்டியில் பெனால்டியில் வென்றே இறுதிப் போட்டிக்கு இத்தாலி தகுதி பெற்றிருந்தது.

வழமையான நேரத்தில் 1-1 என்ற கோல் கணக்கில் போட்டி சமநிலையில் முடிவடைந்ததுடன், மேலதிக நேரத்தில் கோலெதுவும் பெறப்பட்டிருக்கவில்லை.

இத்தாலி சார்பாகப் பெறப்பட்ட கோலை பெடெரிக்கோ சியெஸ்கா பெற்றதோடு, ஸ்பெய்ன் சார்பாகப் பெறப்பட்ட கோலை அல்வரோ மொராட்டா பெற்றிருந்தார்.

பெனால்டியில், ஸ்பெய்னின் டனி ஒல்மோ கோல் கம்பத்துக்கு வெளியால் தனது உதையைச் செலுத்தியதோடு, அல்வரோ மொராட்டாவின் உதையை இத்தாலியின் கோல் காப்பாளர் ஜல்லூயிஜி டொனருமா தடுத்திருந்தார். இத்தாலியின் மனுவல் லொகாடெல்லியின் உதையை ஸ்பெய்னின் கோல் காப்பாளர் உனை சிமோன் தடுத்திருந்தார்.