ஸ்மித், பெளச்சரின் நடத்தை குறித்து விசாரணை

தென்னாபிரிக்க கிரிக்கெட் சபையின் கிரிக்கெட் பணிப்பாளர் கிறேமி ஸ்மித், ஆண்கள் அணியின் தலைமைப் பயிற்றுவிப்பாளர் மார்க் பெளச்சரின் நடத்தை குறித்து உத்தியோகபூர்வமான விசாரணை ஒன்றை சபை ஆரம்பிக்கவுள்ளது.

சமூக நீதி மற்றும் தேசத்தைக் கட்டியெழுப்பும் அறிக்கையின் உள்ளடக்கங்களை மீளாய்வு செய்த பின்னரே குறித்த முடிவை சபை எடுத்துள்ளது.

இந்த விசாரணையானது அடுத்தாண்டு ஆரம்பத்தில் இடம்பெறவுள்ளதுடன், சுயாதீன சட்ட தொழில் நிபுணர்களால் நடாத்தப்படவுள்ளது.

தென்னாபிரிக்காவின் முன்னாள் அணித்தலைவரான ஸ்மித், முன்னாள் வீரரான பெளச்சர் ஆகியோர் அவர்களது பதவிகளில் தொடரவுள்ளதுடன், இந்தியாவுக்கு எதிரான தொடரின்போதும் அவர்களின் பணிகளை ஆற்றவுள்ளனர்.

மேற்கூறப்பட்ட அறிக்கையில், ஸ்மித்தும், பெளச்சரும், இன்னொரு முன்னாள் அணித்தலைவரான ஏ.பி டி வில்லியர்ஸ் போன்றோர் சட்டத்துக்கு புறம்பான, இனத்தின் அடிப்படையிலான வேறுபடுத்தும் நடத்தைகளில் ஈடுபட்டனர் போன்று குறிப்பிடப்பட்டுள்ளது.