ஹலான்டைக் கைச்சாத்திட முயலும் சிற்றி

ஜேர்மனிய புண்டெலிஸ்கா கால்பந்தாட்டக் கழகமான பொரூசியா டொட்டமுண்டின் முன்களவீரரான எர்லிங்க் பிறோட் ஹலான்டைக் கைச்சாத்திட இங்கிலாந்து பிறீமியர் லீக் கழகமான மன்செஸ்டர் சிற்றி முயல்வதாகத் தெரிவிக்கப்படுகிறது.

எவ்வாறெனினும் ஸ்பானிய லா லிகா கழகமான றியல் மட்ரிட்டுக்கே செல்ல 21 வயதான ஹலான்ட் விரும்புகின்றமை குறிப்பிடத்தக்கது. எவ்வாறெனினும், பிரெஞ்சு லீக் 1 கழகமான பரிஸ் ஸா ஜெர்மைனின் முன்களவீரரான கிலியான் மப்பேயைக் கைச்சாத்திடுவதையே றியல் மட்ரிட் முதன்மையான நோக்கமாகக் கொண்டுள்ளதாகக் கூறப்படுகிறது.