இவ்வருடம் மட்டக்களப்பில் 1,700 அபிவிருத்தித் திட்டங்கள்

-எம்.எஸ்.எம்.நூர்தீன், வா.கிருஸ்ணா

மட்டக்களப்பு மாவட்டத்தில் அபிவிருத்தித் திட்டங்களுக்காக இந்த வருடம் 4,500 மில்லியன் ரூபாய் நிதி ஒதுக்கீடு செய்யப்பட்டுள்ளதுடன்,   1,700 திட்டங்கள் நடைமுறைப்படுத்தப்படவுள்ளன என  கிராமிய பொருளாதாரப்  பிரதி அமைச்சர் எம்.எஸ்.எஸ்.அமீர் அலி தெரிவித்தார்.

மாவட்ட அபிவிருத்திக் குழுக் கூட்டம் மாவட்டச் செயலகத்தில் திங்கட்கிழமை (27) நடைபெற்றபோது, மாவட்டத்தில் மேற்கொள்ளப்பட வேண்டிய அபிவிருத்தித் திட்டங்கள் தொடர்பிலும் ஆராயப்பட்டன.

அத்துடன், மத்திய மாகாண அமைச்சுகள் மற்றும் பல்வேறு நிதி உதவி வழங்கும் நிறுவனங்கள் ஊடாக மாவட்டத்தில் முன்னெடுக்கப்படும் வேலைத்திட்டங்கள் தொடர்பில் ஆராயப்பட்டன.