‘சட்ட நடவடிக்கை எடுப்பேன்’

-ஏ.எச்.ஏ. ஹுஸைன், எம்.எஸ்.எம்.நூர்தீன்

“மட்டக்களப்பு - கர்பலா நகரில், பொதுமக்கள் வாழ்ந்து வந்த 15 ஏக்கர் காணி சட்ட விரோதமாக கைப்பற்றப்பட்டதால், பாதிக்கப்பட்ட 312 பேருக்கும் நீதி பெற்றுக்கொடுப்பேன்” என, கிழக்கு மாகாண முதலமைச்சர் செய்னுலாப்தீன் நஸீர் அஹமட் தெரிவித்தார்.

இந்த விவகாரத்தால் பாதிக்கப்பட்டுள்ள மக்களுடனான சந்திப்பு, நேற்று (13) இடம்பெற்றபோதே முதலமைச்சர் இவ்வாறு தெரிவித்தார்.

மேலும், இந்தக் காணி தொடர்பான முழு விவரங்களும் தமக்குக் கிடைத்துள்ளதாகவும் இது தொடர்பில் உரிய சட்டத்தரணிகளிடம் ஆலோசனைகளைப் பெற்று  சட்ட நடவடிக்கை எடுக்கவுள்ளதாகவும், மக்களிடம் முதலமைச்சர் உறுதியளித்தார்.