'தமிழ் மக்களின் பிரச்சினைகளைத் தீர்ப்பதற்கு நடவடிக்கை எடுக்கப்பட வேண்டும்'

-வா.கிருஸ்ணா

இனவாதச் செயற்பாடுகளை விடுத்து, தமிழ் மக்களின் பிரச்சினைகளைத் தீர்ப்பதற்கு தீர்க்கமான நடவடிக்கையை இந்த அரசாங்கம் எடுக்க வேண்டும் என்பதே அனைவரின் எதிர்பார்ப்பாகும் என கிழக்கு மாகாணசபையின் பிரதித் தவிசாளர் பிரசன்னா இந்திரகுமார் தெரிவித்தார்.

மட்டக்களப்பு, ஆணைப்பந்திப் பிரதேசத்திலுள்ள அவரது அலுவலகத்தில ஆதரவாளர்களுடன் புதன்கிழமை (07) நடைபெற்ற கூட்டத்தின்போதே, அவர் இதனைக் கூறினார்.

இது தொடர்பில் மேலும் தெரிவித்த அவர், 'நல்லாட்சி அரசாங்கம் அமைக்கப்பட்டு இரண்டு வருடங்களைக் கடக்கவுள்ள இந்த வேளையில் இதுவரையில் தமிழ் மக்களின் பிரச்சினைகளைத் தீர்ப்பதற்கான எந்தவித நடவடிக்கையும் எடுக்கப்படவில்லை.

சில விடயங்களை நல்லாட்சி அரசாங்கம் செய்துள்ள நிலையிலும், தமிழ் மக்களுக்கு  நம்பிக்கை ஊட்டும் எந்தவித நடவடிக்கையும் எடுக்கப்படவில்லை.

எனவே, இந்த ஆண்டு நிறைவுக்குள் தமிழ் மக்களின் நியாயபூர்வமான பிரச்சினைக்கான நிரந்தரத் தீர்வை வழங்குவதற்கான நம்பிக்கை ஊட்டும் சமிக்ஞையை இந்த அரசாங்கம் வெளிப்படுத்த வேண்டும்' என்றார்.