‘போர் வேண்டாம் : சமாதானம் வேண்டும்’

-வ.துசாந்தன்

போர் என்பது வேண்டாம்  போருக்கான காரணத்தினை அறிந்து, அதைச் சீர்செய்து, சமாதானம் என்ற போர்வைக்கு செல்வோம் என, கிழக்கு மாகாண விவசாய அமைச்சர் கி.துரைராசசிங்கம் செவ்வாய்க்கிழமை தெரிவித்துள்ளார்.

தேவிலாமுனையில், நடைபெற்ற கூத்தரங்கேற்ற ஆரம்ப நிகழ்வில் கலந்துகொண்டு உரையாற்றும்போதே, அவர் இதனை தெரிவித்துள்ளார்.

அவர் மேலும் குறிப்பிடுகையில்,

போர் என்பது மனிதனுக்கு தேவையற்றது. ஆனால் நிர்ப்பந்தத்ததுக்கு உள்ளாக்கப்பட்டு வருகின்ற  விடயமாகும்.

மகாபாரதத்தில் நடைபெற்ற போரின் விளைவுகள் பற்றிக் கூறப்படுவதற்கு காரணம், போர் என்பது வேண்டாம். போர் இடம்பெறுவதற்கான காரணத்தினை ​அறிந்து, அதனை சீர்செய்து. சமாதானம் ​என்ற போர்வைக்குள் செல்ல வேண்டும் என்பதனையே விளக்குகின்றது.

இந்த​வகையில் கூத்துக்கள் மூலமாக தமிழின் சிறப்பினை வலியுறுத்துகின்றோம்.

அதிலும்இ மட்டக்களப்பு தமிழ் மொழித்தான் சிறந்த தமிழ் மொழியாகும். தமிழின் பழமை சொற்களை எல்லாம் நாங்கள் தான் வைத்திருக்கின்றோம்' என்றார்.