மேடை அமைப்பு வேலையை பூர்த்திசெய்யுமாறு வேண்டுகோள்

-ஏ.எச்.ஏ.ஹுஸைன்

ஏறாவூர் ரயில் நிலையப் பயணிகள் மேடை நிர்மாணப் பணி ஆரம்பிக்கப்பட்டு பல மாதங்கள் கடந்துள்ளபோதிலும், இன்னமும் அதன் நிர்மாணப் பணி பூர்த்தி செய்யப்படாமல் உள்ளதாக பயணிகள் தெரிவிக்கின்றனர்.

மேடை அமைப்பு வேலைக்காக கொட்டப்பட்ட கிறவல் மண் மழை நீரோடு கலந்து சேறும் சகதியுமாக உள்ளது. இதன் காரணமாக தாம் சிரமத்தை எதிர்நோக்கி வருவதாகவும்; பயணிகள் தெரிவிக்கின்றனர்.

எனவே, மேற்படி ரயில் நிலைய வேலையை பூர்த்தி செய்வதற்கான நடவடிக்கையை எடுக்குமாறு பயணிகள் வேண்டுகோள் விடுக்கின்றனர்.