யானை தாக்கியதில் ஒருவர் பலி

-ஏ.எச்.ஏ.ஹுஸைன்;, பேரின்பராஜா சபேஷ், கே.எல்.ரி.யுதாஜித்

மட்டக்களப்பு, பெரியபுல்லுமலை 40ஆம் வட்டை வயல் வெளியில் திங்கட்கிழமை (02) மாலை காட்டு யானை தாக்கியதில், தும்பாலஞ்சோலைக் கிராமத்தைச் சேர்ந்த 5 பிள்ளைகளின் தந்தையான தம்பிராசா பரமானந்தன்  (வயது 73) என்பவர் உயிரிழந்துள்ளதாகப் பொலிஸார் தெரிவித்தனர்.

மாடுகளை மேய்க்கும் தொழிலில் ஈடுபட்டுவரும் இவர், மாடுகளைப் பட்டிக்குக் கொண்டு சென்று கொண்டிருந்தபோது, எதிரே வந்த யானை இவரைத் தாக்கியுள்ளது.

யானையைக் கண்டதும் இவர் தப்பியோடிய வேளையில் தடக்கிக் கீழே விழுந்துள்ளார். இதை அடுத்து, யானை மிதித்துக் கொன்றதாகத்; தகவல்கள் தெரிவிக்கின்றன.