விவேகானந்தர் சிலையை சேதப்படுத்திய சம்பவம்; சந்தேகநபர் பிணையில் விடுதலை

(எம்.சுக்ரி)

ஆரையம்பதியில் சுவாமி விவேகானந்தர் சிலை சேதப்படுத்தப்பட்ட சம்பவம் தொடர்பில் சந்தேகத்தின் பேரில் கடந்த 26ஆம் திகதி காத்தான்குடி பொலிஸாரினால் கைது செய்யப்பட்ட சந்தேக நபர் இன்று செவ்வாய்க்கிழமை, மட்டக்களப்பு நீதவான் நீதிமன்றத்தினால் விடுதலை செய்யப்பட்டுள்ளார்.

சந்தேகத்தின் பேரில் கைது செய்யப்பட்ட காத்தான்குடியைச் சேர்ந்த இந்நபரை கடந்த 27ஆம் திகதி வெள்ளிக்கிழமையன்று நீதிமன்றத்தில் ஆஜர்படுத்தியபோது அவரை விளக்கமறியலில் வைக்குமாறு நீதிமன்றம் உத்தரவிட்டிருந்தது.
 
இன்று இச்சந்தேகநபர், சரீரப்பிணையிலும் பத்தாயிரம் ரூபா ரொக்கப்பிணையிலும் விடுதலை செய்ய மட்டக்களப்பு நீதவான் நீதிமன்ற நீதிவான் உத்தவிட்டார்.  கடந்த 10ஆம் திகதியன்று ஆரையம்பதி எல்லையில் வைக்கப்பட்டிருந்த சுவாமி விவேகானந்தரின் உருவச்சிலை இனந்தெரியாதோரினால் சேதப்படுத்தப்பட்டமை குறிப்பிடத்தக்கது.