மட்டு. அரசடி சந்தி நூலகம் மாநகர சபையிடம் கையளிப்பு

(ரி.லோஹித், ஜிப்ரான், எம்.சுக்ரி)

பாதுகாப்பு படையினரின் முகாமாக கடந்த 30 வருடங்களாக பயன்படுத்தப்பட்டு வந்த மட்டக்களப்பு அரசடி சந்தியிலுள்ள பொது நூலகம் இன்று புதன்கிழமை உத்தியோகபூர்வமாக மட்டக்களப்பு மாநகர சபையிடம் கையளிக்கப்பட்டது.

கடந்த 2004 ஆம் ஆண்டு முதல் பொலிஸாரினால் பயன்படுத்தப்பட்டு வந்த குறித்த நூலகத்திலிருந்து பொலிஸார் வெளியேறியதையடுத்தே மட்டக்களப்பு மாநகர சபையிடம் கையளிக்கப்படடுள்ளது.

குறித்த பொலிஸ் சாவடி பொறுப்பதிகாரி மட்டக்களப்பு மேயர் சிவகீதா பிரபாகரனிடம் கையளித்தார்.

யுத்தம் காலத்தில் படையினரின் முகாமாக பாவிக்கப்பட்டு வந்த இக்கட்டிடம்,  2004ஆம் ஆண்டு மேற்கொள்ளப்பட்ட சமாதான உடன்படிக்கையினையடுத்து பொலிஸ் சாவடியாக மாற்றப்பட்டது. (படங்கள்:ஜிப்ரான்)