மட்டு. மாவட்டத்தில் உள்ளூராட்சி சட்டமூலம் தொடர்பான செயலமர்வு

(எம்.சுக்ரி)

மட்டக்களப்பு மாவட்டத்தில் உள்ளூராட்சி சட்டமூலம் தொடர்பான செயலமர்வுகள் உள்ளூராட்சி திணைக்களத்தினால் நடத்தப்பட்டு வருகின்றன.

இத்திட்டத்தின் கீழ் மண்முனைப்பற்று பிரதேச சபை உறுப்பினர்களுக்கான செயலமர்வு மண்முனைப்பற்று பிரதேச சபை மண்டபத்தில் நேற்று வெள்ளிக்கிழமை நடைபெற்றது.

மண்முனைப்பற்று பிரதேச சபையின் தவிசாளர் கிறிஸ்டினா சசிகரன் தலைமையில் நடைபெற்ற இச்செயலமர்வில் மட்டக்களப்பு மாவட்ட உள்ளூராட்சி உதவி ஆணையாளர்  எஸ்.சத்தியானந்தி, மண்முனைப்பற்று பிரதேச சபையின் பிரதி தவிசாளர் ஏ.சிவலிங்கம், பிரதேச சபையின் செயலாளர் சி.ஜே.அருள்பிரகாசம்,  பிரதேச சபை உறுப்பினர்கள், அதன் உத்தியோகத்தர்கள் கலந்து கொண்டனர்.