மட்டக்களப்பு மாவட்டத்தில் மண்ணெண்ணெய் நிவாரண முத்திரை விநியோகம்

(எம்.சுக்ரி)
மண்ணெண்ணெய் நிவாரண முத்திரை விநியோகம் மட்டக்களப்பு மாவட்டத்தில் இன்று ஞாயிற்றுக்கிழமை காலை ஆரம்பித்து வைக்கப்பட்டது.

காத்தான்குடி பிரதேச செயலாளர் பிரிவிலுள்ள பயணாளிகளுக்கான மண்ணெண்ணெய் நிவாரண முத்திரை விநியோகத்தினை பிரதியமைச்சர் எம்.எல்.ஏ.எம்.ஹிஸ்புல்லா ஆரம்பித்து வைத்தார்.

காத்தான்குடி பிரதேச செயலாளர் எஸ்.எச்.முஸம்மில் தலைமையில் நடைபெற்ற இவ் வைபவத்தில் கிழக்கு மாகாண சபை உறுப்பினர் கே.எல்.எம்.பரீட், மற்றும் காத்தான்குடி பிரதேச சமுர்த்தி தலைமையக முகாமையாளர் இ.குணரட்னம் உட்பட சமுர்த்தி உத்தியோகத்தர்கள் பயணாளிகள் பலர் கலந்து கொண்டனர்.

மின்சார வசதியற்ற குடும்பங்களுக்கு மாதமொன்றுக்கு 200 ரூபாவாக இந்த மண்ணெண்ணெய் நிவாரண முத்திரை வழங்கப்பட்டுள்ளது.