மட்டக்களப்பில் புதிய சிறுவர் பூங்கா

(எம்.சுக்ரி, ரி.லோஹித்)

மட்டக்களப்பு முகத்துவாரம் களப்பை அண்டிய பகுதியில் அமைக்கப்பட்ட சிறுவர் பூங்கா நேற்றுமுன்தினம் சனிக்கிழமை திறந்துவைக்கப்பட்டுள்ளது.

மரயன் நிறுவனத்தினால் அமைக்கபட்ட இப்பூங்காவை  கிழக்கு மாகாண முதலமைச்சர் சிவநேசத்துரை சந்திரகாந்தன் திறந்துவைத்தார்.

சிறுவர்களுக்காக விசேடமாக வடிவமைக்கப்பட்ட  படகுச் சேவைகளும் வெளிநாட்டவர்களை கவரக்கூடிய வகையில் தோணி மற்றும் படகுச் சேவைகளும் அமைக்கப்பட்டுள்ளன.

இந்நிகழ்வில் கிழக்கு மாகாண சபை உறுப்பினர் பூ.பிரசாந்தன், மாநகர மேயர் திருமதி சிவகீத்தா பிரபாகரன்,  பிரதி மேயர் ஜோர்ச்பிள்ளை மட்டக்களப்பு மாவட்ட செயலகத்தின் திட்டமிடல் பணிப்பாளர் நெடுஞ்செழியன், மண்முனை வடக்கு பிரதேச செயலாளர் திருமதி கலாமதி பத்மராஜா உள்ளிட்ட பலர் கலந்துகொண்டனர்.