கடலில் நீராடிய இளைஞன் நீரில் மூழ்கி பலி

(ரி.லோஹித்)

மட்டக்களப்பு மாவட்டத்தின் களுவாஞ்சிக்குடி கடலில் நண்பர்களுடன் நீராடச் சென்ற இளைஞர் ஒருவர் நீரில் மூழ்கி உயிரிழந்துள்ளார். நேற்று ஞாயிற்றுக்கிழமை இந்த சம்பவம் இடம்பெற்றது.

பெரியகல்லாறு, கடலம்மன் வீதியை சேர்ந்த கிருஷ்ணமூர்த்தி அரவிந்தன் (வயது 25) என்ற இளைஞரே இவ்வாறு உயிரிழந்தவர் ஆவார்.

களுவாஞ்சிக்குடி கடலில் நண்பர்கள் சிலருடன் நீராடிக்கொண்டிருந்தபோதே இவர் நீரில் மூழ்கியதாகவும் கரைக்கு எடுத்து வந்தபோது அவர் உயிரிழந்துள்ளதாகவும் களுவாஞ்சிக்குடி பொலிஸார் தெரிவித்துள்ளனர்.