காத்தான்குடி நகர சபை உறுப்பினர் சல்மா ஹம்ஸா அமெரிக்கா விஜயம்

(எம்.சுக்ரி)

காத்தான்குடி நகர சபை உறுப்பினரும் பெண்களுக்கான வலுவூட்டலுக்கும் அபிவிருத்திக்குமான அமைப்பின் பணிப்பாளருமான சல்மா ஹம்ஸா பெண்களின் மாநாடொன்றில் கலந்துகொள்வதற்காக எதிர்வரும் வெள்ளிக்கிழமை(2)  அமெரிக்கா பயணமாகவுள்ளார்.

இந்த மாநாடு பெண்களின் வலுவூட்டல், பெண்களின் சுகாதாரம், பெண்களின் பொருளாதாரமும் அபிவிருத்தி மற்றும் பெண்களின் சமூக அரசியல் போன்ற தலைப்புக்களில் நடைபெறவுள்ளது.

இந்த மாநாடு மார்ச் 4ஆம் திகதி முதல் மார்ச் 24ஆம் திகதி வரை அமெரிக்காவின் வாசிங்டன், நியூயோர்க், புளோரிடா மற்றும் நெவாடா ஆகிய இடங்களில் இ நடைபெறவுள்ளது.

இதன்போது, சல்மா ஹம்ஸா பெண்களின் பின்தங்கிய நிலை மற்றும் பெண்களின் தலைமைத்துவம் ஆகிய தலைப்புக்களில் சிறப்பு உரையாற்றவுள்ளார்.

உலகின் பல நாடுகளில் இருந்து பல பெண்கள் கலந்தும் இந்த மாநாட்டில் இலங்கையிலிருந்து கலந்து கொள்ளும் ஒரேயொரு பெண் பிரதிநிதி சல்மா ஹம்சா என்பது குறிப்பிடத்தக்கது.