தாதியர் பற்றாக்குறையை நிவர்த்தி செய்ய சுகாதார அமைச்சர் உறுதி: மாகாண சுகாதார அமைச்சர்

கிழக்கு மாகாண வைத்தியசாலைகளில் காணப்படும் தாதியர் பற்றாக்குறையை நிவர்த்தி செய்வதற்கு சுகாதார அமைச்சர் மைத்திரிபால சிறிசேன உறுதியளித்துள்ளதாக கிழக்கு மாகாண சுகாதார அமைச்சர் எம்.எஸ்.சுபைர் தெரிவித்தார்.

சுகாதார அமைச்சர் மைத்திரிபால சிறிசேனவுடன் அண்மையில் இடம்பெற்ற சந்திப்பின் போதே தாதியர் பற்றாக்குறையை நிவர்த்தி செய்வதற்கு இணக்கம் காணப்பட்டதாக அவர் குறிப்பிட்டார்.

இதற்கிணங்க, தாதியர் சேவையிலிருந்த ஓய்வு பெறவுள்ளவர்களுக்கு சேவை நீடிப்பு வழங்கல், இராணுவ தாதியர் சேவையிலுள்ளவர்களை இணைத்தல் மற்றும் இராணுவ தாதியர் சேவையில் ஒய்வு பெற உள்ளவர்களுக்கு சேவை நீடிப்பு வழங்கல் ஆகிய வழிமுறைகளில் மாகாண வைத்தியசாலைகளில் காணப்படும் தாதியர் பற்றாக்குறை நிவர்த்தி செய்யப்படவுள்ளது என மாகாண அமைச்சர் சுபைர் தெரிவித்தார்.

இச்சந்திப்பில் சுகாதார அமைச்சின் பணிப்பாளர் டாக்டர் அஜித் மென்டிஸும் கலந்துகொண்டிருந்தார்.