ஜனாதிபதி மஹிந்தவை தோற்கடிக்கமுடியாது: ஹிஸ்புல்லாஹ்

George / 2014 நவம்பர் 27 , பி.ப. 02:48 - 0 - {{hitsCtrl.values.hits}}

-எம்.எஸ்.எம்.நூர்தீன்

இறைவனைத் தவிர, வேறு எந்த சக்தியாலும் ஜனாதிபதி மஹிந்த ராஜபக்ஷவை தோற்கடிக்கமுடியாது என்று பொருளாதார அபிவிருத்தி பிரதியமைச்சர் எம்.எல்.ஏ.எம்.ஹிஸ்புல்லாஹ் தெரிவித்தார்.

வாழ்வின் எழுச்சித் திணைக்களத்தின் மட்டக்களப்பு மாவட்டத்திலுள்ள பிரதேச செயலாளர் பிரிவுகளுக்குரிய திவிநெகும பிரதேச உத்தியோகஸ்தர்களுக்கான நியமனக்கடிதங்கள் வழங்கும் நிகழ்வு, காத்தான்குடியிலுள்ள பிரதியமைச்சரின் பிராந்திய அலுவலகத்தில் வியாழக்கிழமை (27) நடைபெற்றது. இங்கு உரையாற்றுகையிலேயே அவர் மேற்கண்டவாறு கூறினார்.
இங்கு அவர் மேலும் உரையாற்றுகையில்,

'பிரதமர் பதவி கிடைக்கவில்லை என்பதற்காக, சொந்த சுயநலத்துக்காக மைத்திரிபால சிறிசேனா அரசாங்கத்தை விட்டு வெளியேறியுள்ளார்.
ஜனாதிபதி மஹிந்த ராஜபக்ஷ நிச்சயமாக வெற்றியடையப் போகின்றார். அவரை இறைவனைத் தவிர, வேறு எந்த சக்தியாலும் தோற்கடிக்கமுடியாது என்ற விடயத்தில் மக்கள் தெளிவாக இருக்கவேண்டும். ஜனாதிபதியாக இருப்பதற்கு மஹிந்த ராஜபக்ஷவுக்கு இன்னும் இரண்டு வருடங்கள் உள்ளன.

தனது பதவிக்காலத்தின் இரண்டு வருடங்களுக்கு முன்னரே, ஜனாதிபதி மஹிந்த ராஜபக்ஷ ஜனாதிபதி தேர்தலுக்கு போகின்றார் என்றால், அவர் தோல்வியடைவதற்கு போகவில்லை.

இவர்கள் கட்சி மாறுவார்கள் என்று ஜனாதிபதி மஹிந்த ராஜபக்ஷவுக்கு தெரியும். இன்னும் நான்கு, ஐந்து பேர் கட்சி மாறுவார்கள் என்றும் அவருக்கு தெரியும். கட்சி மாறியவர்கள் மட்டுமல்ல, இன்னும் ஆறு பேர் அல்லது ஏழு பேர் கட்சியை விட்டுப் போவார்கள்.

இவர்கள் எல்லாம் கட்சி மாறுவார்கள் என்று தெரியாமல், ஜனாதிபதி மஹிந்த ராஜபக்ஷ தேர்தலுக்கு கையொப்பம் இடவில்லை.

மைத்திரிபால சிறிசேன கடந்த ஆறு, ஏழு மாதங்களாக இதற்காக பேச்சுவார்த்தை நடத்துகின்றார் என்பதும் அவர் கட்சி தாவப்போகின்றார் என்றும் தெரியும்.
இவைகளை தெரிந்துகொண்டே ஜனாதிபதி மஹிந்த ராஜபக்ஷ கையொப்பமிட்டு ஜனாதிபதித் தேர்தலுக்கு போயுள்ளார்.
கடந்த நான்கு, ஐந்தாண்டுகளில் இந்த நாடு பாரிய முன்னேற்றம் கண்டுள்ளது.

மட்டக்களப்பை எடுத்துப் பாருங்கள். இந்த மாவட்டம் எப்படி முன்னேறியுள்ளதை பார்க்கமுடியும். இன்னும் அபிவிருத்தியை மேற்கொள்ள வேண்டிய இந்தச் சந்தர்ப்பத்தில் நாங்கள் ஆட்சியை கவிழ்த்தால், மட்டக்களப்பு மாவட்டத்தில் எதையுமே எங்களால் செய்யமுடியாது.

ஆகவே, எதிர்வரும் ஜனாதிபதித் தேர்தலில் ஜனாதிபதி மஹிந்த ராஜபக்ஷவை வெற்றி பெறச் செய்வது மட்டக்களப்பு மாவட்டத்திலுள்ள அனைவரினதும் கடமையாகும்' என்றார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

பெயர்:

மின்னஞ்சல்:

உங்கள் கருத்து:

Tamil Mirror

ஜனாதிபதி மஹிந்தவை தோற்கடிக்கமுடியாது: ஹிஸ்புல்லாஹ்

RECOMMENDED

திருகோணமலை இராவணேஸ்வரன் தமிழ் வித்தியாலயத்துக்கு டயலொக் உதவி

யூனியன் அஷ்யூரன்ஸ் INVESTMENT+ ஆயுள் காப்பீட்டுடனான முதலீட்டு வாய்ப்பு

அம்பாந்தோட்டையில் டயலொக் கடற்கரை கால்பந்து சம்பியன்ஷிப் 2021

TODAY'S HEADLINES

“IMF இணக்கப்பாட்டை திருத்தவும்”

“பொறுப்புகளை நிறைவேற்றும் போதே முன்னோக்கி செல்ல முடியும்”

மதுபான விடுதிக்கு வெளியே துப்பாக்கிச் சூடு: 9 பேர் பலி

சவூதி அரேபியாவில் கடும் பனிப்பொழிவு

Comments - 0

TODAY'S HEADLINES

“IMF இணக்கப்பாட்டை திருத்தவும்”

“பொறுப்புகளை நிறைவேற்றும் போதே முன்னோக்கி செல்ல முடியும்”

மதுபான விடுதிக்கு வெளியே துப்பாக்கிச் சூடு: 9 பேர் பலி

சவூதி அரேபியாவில் கடும் பனிப்பொழிவு

சினிமா

கார் விபத்தில் சிக்கிய பிரபல நடிகை

யார் இந்த சீனிவாசன்?

‘அதனால் பயந்தேன்’

‘அல்லு அர்ஜுனை அப்படினு நினைத்தேன்’