ஆயுர்வேத சுதேச வைத்தியர் சங்கம்

-எம்.எஸ்.எம்.நூர்தீன்

காத்தான்குடி பிரதேச செயலாளர் பிரிவில் ஆயுர்வேத சுதேச வைத்தியர்களின் சங்கமொன்று நேற்று வியாழக்கிழமை ஆரம்பிக்கப்பட்டது.

ஆயுர்வேத பாதுகாப்புச் சபையின் புதிய திட்டத்தின் கீழ் ஆயுர்வேத திணைக்களத்தின் சுற்றுநிரூபத்துக்கு அமைய  காத்தான்குடி பிரதேச செயலாளரின் ஆலோசணையுடன் இந்த சங்கம் ஆரம்பிக்கப்பட்டது.  

காத்தான்குடி பிரதேச செயலக விதாத மண்டபத்தில் நடைபெற்ற இந்த நிகழ்வில்,  காத்தான்குடி பிரதேச செயலாளர் பிரிவிலுள்ள ஆயுர்வேத சுதேச வைத்தியர்கள் கலந்துகொண்டனர்.

இந்தச் சங்கத்தின் தலைவராக ஏ.எச்.எம்.இப்றாலெவ்வை, செயலாளராக என்.எம்.ஹனிபா, பொருளாளராக ஏ.எஸ்.எம்.அப்துல்லாஹ், உப தலைவராக எம்.எஸ்.பக்கீர் முகைதீன், உப செயலாளராக எம்.எம்.றமீஸ் ஆகியோர் தெரிவுசெய்யப்பட்டனர். நிர்வாக உறுப்பினர்களும் தெரிவு செய்யப்பட்டனர்.