ஆரோக்கியமான வாழ்க்கை தூய்மையான தேசத்திலயே உள்ளது

-எம்.எம்.அஹமட் அனாம்

ஆரோக்கியமான வாழ்க்கை தூய்மையான தேசத்திலயே உள்ளது என்ற தொனிப் பொருளிலான ஒரு நாள் வேலைத்திட்டத்தினை அல் கிம்மா சமுக சேவைகள் அமைப்பு  ஓட்டமாவடி பிரதேசத்தில் இன்று சனிக்கிழமை(18) நடத்தியது.

இதன் போது ஓட்டமாவடி பிரதேத்தில் உடைந்து காணப்பட்ட கொங்றீட் வீதிகள் மற்றும் வடிகானுக்கான மூடிகள் புனரமைக்கப்பட்டதுடன் வடிகான்களில் உள்ள குப்பைகள் அகற்றப்பட்டு வீதியோரங்களும் சுத்தம் செய்யப்பட்டன.

அல் கிம்மா சமூக சேவைகள் அமைப்பின் ஏற்பாட்டில் நடைபெற்ற இந் நிகழ்வுக்கு ஓட்டமாவடி பிரதேச சபை மற்றும் ஓட்டமாவடி சுகாதார வைத்திய அதிகாரி அலுவலகம் என்பற்றின் ஊழியர்களும் கலந்து கொண்டனர்.

இந் நிகழ்வில் அல் கிம்மா நிறுவனத்தின் சவூதி அரேபியாவுக்கான பணிப்பாளர் முதீப் தவாப் அஷ்ஷபிஈ, இலங்கைக்கான பணிப்பாளர்; அஷ்ஷேக் எம்.எம்.எஸ்.ஹாறூன், நிறுவனத்தின் பிரதி பணிப்பாளர் எச்.எம்.ஜாபீர், ஓட்டமாவடி பிரதேச சபை தவிசாளர் கே.பி.எஸ்.ஹமீட், பிரதி தவிசாளர் ஏ.எம்.நௌபர், ஓட்டமாவடி சுகாதார வைத்திய அதிகாரி எஸ்.ரீ.நஜீப்கான மற்றும் பொதுச் சுகாதார பரிசோதகர்களும் கலந்து கொண்டனர்.