சிறுவனுக்கு சிகரெட் விற்பனை: கடை உரிமையாளருக்கு தண்டம்

-கே.எல்.ரி.யுதாஜித்

சிறுவன் ஒருவனுக்கு சிகரெட் விற்பனை செய்த கடை உரிமையாளர் ஒருவருக்கு, மட்டக்களப்பு நீதவான் நீதிமன்ற நீதிபதி என்.எம்.எம்.அப்துல்லாவினால், இன்று புதன்கிழமை(13) 2,000 ரூபாய் தண்டப்பணம் விதிக்கப்பட்டது.

புகையிலை மற்றும் மதுபானம் மீதான தேசிய அதிகாரச்சட்டத்தின் கீழ், இவ்வாறு தண்டம் விதிக்கப்பட்டுள்ளது.

மட்டக்களப்பு சுகாதார வைத்திய அதிகாரி பிரிவின் திருப்பெருந்துறைப் பிரதேசத்திலுள்ள சிறுவன் ஒருவனுக்கு சிகரெட் விற்பனை செய்தமைக்காக வலையிறவு பொதுச்சுகாதாரப் பரிசோதகரால் தொடரப்பட்ட வழக்கிலேயே இந்தத் தண்டம் விதிக்கப்பட்டுள்ளது.