துப்பாக்கி தோட்டாக்கள் மீட்பு

-ஏ.எச்.ஏ. ஹுஸைன்

ஏறாவூர் பொலிஸ் பிரிவுக்குட்பட்ட கொம்மாதுறை ஒருமுழச்சோலை பகுதியிலிருந்து 10 துப்பாக்கித் தோட்டாக்களை சனிக்கிழமை (23) மீட்டுள்ளதாக ஏறாவூர் பொலிஸார் தெரிவித்தனர்.

பொதுமக்களிடமிருந்து கிடைத்த அலைபேசி தகவலையடுத்து, குறித்த இடத்துக்கு சென்ற பொலிஸார் ஒருமுழச்சோலை புதர் பகுதியிலிருந்து 7.65 ரக துப்பாக்கித் தோட்டாக்களை மீட்டெடுத்தாக தெரிவித்தனர்.

இது தொடர்பான மேலதிக விசாரணைகளை ஏறாவூர் பொலிஸார் முன்னெடுத்துள்ளனர்.