எரிவாயு கசிவினால் வீடு தீக்கிரை

-ஏ.எச்.ஏ.ஹுஸைன்

மட்டக்களப்பு, காத்தான்குடியிலுள்ள வீடொன்றிலிருந்த சமையல்  எரிவாயு சிலின்டரில்  சனிக்கிழமை (18) எரிவாயு கசிந்து தீப்பற்றியதால், அவ்வீடு தீக்கிரையானதாக   காத்தான்குடிப் பொலிஸார் தெரிவித்தனர்.

சனிக்கிழமை (18) இடம்பெற்ற இந்தச் சம்பவத்தின்போது வீட்டின் உட்கூரை மற்றும் பொருட்களும் எரிந்து நாசமாகியுள்ளன.
எவ்வாறாயினும், தீ  பரவிய வேளையில் வீட்டிலுள்ளவர்கள் வெளியில் ஓடித் தப்பியதால் எவருக்கும் காயம் ஏற்படவில்லை என்று  வீட்டு உரிமையாளர் கூறினார்.

இந்தச் சம்பவம் தொடர்பில் காத்தான்குடி பொலிஸார் விசாரணைகளை மேற்கொண்டுள்ளனர்.