64 பேரின் விளக்கமறியல் நீடிப்பு

வா.கிருஸ்ணா, எம்.எஸ்.எம்.நூர்தீன்

உயிர்த்த ஞாயிறுத் தாக்குதலின் பின்னர், தேசிய தௌஹீக் ஜமாத் இயக்கதுடன் தொடர்புபட்டதாகக் கைதுசெய்யப்பட்ட 64 பேரின் விளக்கமறியல், செப்டெம்பர் 12ஆம் திகதி வரை நீடிக்கப்பட்டுள்ளது.

நுவரேலியாவில் உள்ள தேசிய தௌபீக் ஜமாத் தலைமைகத்தில் ஆயுதப் பயிற்சி பெற்றதாக சந்தேகத்தின் பேரில் கைதுசெய்யப்பட்ட காத்தான்குடியை சேர்ந்தவர்களே, இவ்வாறு விளக்கமறியலில் வைக்கப்பட்டுள்ளனர்.

உயிர்த்த ஞாயிறுத் தாக்குதலின் பின்னர் மேற்கொள்ளப்பட்டுவரும் விசாரணைகளின் அடிப்படையில், சந்தேகத்தின் பேரில் இவர்கள் கைதுசெய்யப்பட்டு, விளக்கமறியலில் வைக்கப்பட்டிருந்தனர்.

மட்டக்களப்பு நீதிபதி ஏ.சி. ரிஸ்வான் முன்னிலையில் ஓகஸ்ட் 30ஆம் திகதி ஆஜர்படுத்தப்பட்டபோது, செப்டெம்பர் 12ஆம் திகதி வரையான விளக்கமறியல் உத்தரவைப் பிறப்பித்தார்.