அதிகாரி மீது தாக்குதல்

மட்டக்களப்பு, நாவலடி முகத்துவாரம் களப்புப் பகுதியில்,  நேற்று (12) நள்ளிரவு, மீனவர்கள் தாக்கியதில், மீன்பிடித் திணைக்கள அதிகாரி ஒருவர் படுகாயமடைந்தார்.

அவர், மட்டக்களப்பு போதானா வைத்தியசாலையில் அனுமதிக்கப்பட்டுள்ளாரென, காத்தான்குடி பொலிஸார் தெரிவித்தனர்.

குறித்த களப்புப் பகுதியில் தடைசெய்யப்பட்ட வலைகள் வீசி மீன்பிடியில் ஈடுபட்டு வருவதாக, மீன்பிடி திணைக்களத்துக்குக் கிடைத்த தகவலையடுத்து, சம்பவதினமான நள்ளிரவு 12 மணியவில் மீன்பிடி திணைக்கள அதிகாரி ஒருவர் உட்பட 5 பேர் கொண்ட குழுவினர், களப்பில் சோதனை நடவடிக்கையில் ஈடுபட்டனர்.

இதன்போது, மீனவர்களின் தோணிகளை அதிகாரிகள் சோதனையிட்போது, அவர்கள் மீது மீனவர்கள் தாக்குதல் மேற்கொண்டுள்ளனரெனத் தெரியவருகின்றது.

இதில், மீன்பிடி திணைக்கள் சப் இன்பெஸ்டர் ஒருவர் படுகாயமடைந்துள்ளார்.

தாக்குதல்களை மேற்கொண்ட மீனவர்களைக் கைது செய்ய நடவடிக்கை எடுக்கப்பட்டுள்ளதுடன், இது தொடர்பான விசாரணைகளை மேற்கொண்டுவருவதாக பொலிஸார் தெரிவித்தனர்.