ஆரம்பக் கற்றல் வள நிலையம் திறந்துவைப்பு

வ.திவாகரன்

மட்டக்களப்பு மேற்கு கல்வி வலயத்துக்குட்பட்ட பட்டிப்பளை அரசினர் தமிழ் கலவன் பாடசாலையில் அமைக்கப்பட்ட ஆரம்ப கற்றல் வளநிலையத்தை, நாடாளுமன்ற உறுப்பினர் சீனித்தம்பி யோகேஸ்வரன், இன்று (10) திறந்துவைத்தார்.

“அருகிலுள்ள பாடசாலை சிறந்த பாடசாலை” தேசிய வேலைத்திட்டத்தின் கீழ் அமைக்கப்பட்ட ஆரம்ப கற்றல் வளநிலையக் கட்டடமே திறந்துவைக்கப்பட்டது.

பாடசாலையின் அதிபர் த.தியாகராசா தலைமையில் நடைபெற்ற இந்நிகழ்வில், நாடாளுமன்ற உறுப்பினர் சீனித்தம்பி யோகேஸ்வரன், பிரதேச சபையின் தவிசாளர் சி.புஸ்பலிங்கம், முன்னாள் நாடாளுமன்ற உறுப்பினர் பா.அரியநேத்திரன், வலயக் கல்விப் பணிப்பாளர் சி.சிறிதரன் ஆகியோர் கலந்துகொண்டனர்.