இளைஞர்கள் நையப்புடைப்பு

ஏ.எச்.ஏ. ஹுஸைன், நடராஜன் ஹரன்

கொக்கட்டிச்சோலை கிராமத்தில் பெண்ணொருவரின் தங்கச் சங்கிலியைத் திருடிச் சென்ற இளைஞர்கள் இருவர் கைது செய்யப்பட்டுள்ளனரென, கொக்கட்டிச்சோலை பொலிஸார் தெரிவித்தனர்.

நேற்று (17) இடம்பெற்ற இச்சம்பவம்பற்றி தெரியவருவதாவது:

கொக்கட்டிச்சோலை கிராமத்திலுள்ள பெண்ணொருவரின் கடைக்குச் சென்ற இளைஞர்கள் இருவர், அங்கு பொருட்கள் கொள்வனவு செய்வது போன்று பாசாங்கு செய்து, கடைக்காரப் பெண்ணின் கழுத்தில் அணிந்திருந்த தங்கச் சங்கிலியை அறுத்துக் கொண்டு, அங்கிருந்து தப்பியோடியுள்ளனர்.

அவ்வேளையில் பெண்ணில் கூச்சல் சத்தம் கேட்டு வீதியால் சென்றோரும் அயலவர்களும் வீதிக்கு ஓடிவந்து, தப்பிச் செல்லும் இளைஞர்களைப் பின்தொடர்ந்து துரத்திச் சென்று பிடித்து வந்து நையப்புடைத்ததுடன், பொலிஸாரிடம் ஒப்படைத்துள்ளனர்.