ஓட்டோவில் வந்த கஞ்சா சிக்கியது; இருவர் கைது

கனகராசா சரவணன்

திருகோணமலையில் இருந்து மட்டக்களப்புக்கு ஓட்டோவில் ஒரு கிலோகிராம் கேரளா கஞ்சா கடத்தி வந்த இருவரை, வாகரையில் வைத்து இன்று (26) கைது செய்துள்ள வாகரை பொலிஸார், ஓட்டோவையும் பறிமுதல் செய்துள்ளனர்.

வாகரை பொலிஸ் புலனாய்வுப் பிரிவுக்குக் கிடைத்த தகவலையடுத்து, வாகரை பொலிஸ் பொறுப்பதிகாரி எம்.என்.திசாநாயக்க ஆலோசனைக்கமைய, பொலிஸ் புலனாய்வுத்துறையினர்  கண்காணிப்பில் ஈடுபட்டிருந்த போதே, மேற்படி இருவரும் கைதுசெய்யப்பட்டுள்ளனர்.

திருகோணமலை - சீனக்குடா, மட்டிக்கழி பிரதேசத்தைச் சேர்ந்த 26 , 28 வயதுடையவர்கள் கைதுசெய்யப்பட்டுள்ளார்கள் எனவும்  இது தொடர்பான மேலதிக விசாரணைகள் முன்னெடுக்கப்பட்டு வருவதாகவும் வாகரை பொலிஸார் தெரிவித்தனர்.