காத்தான்குடி மத்தியஸ்த சபையால் 399 பிணக்குகளுக்கு தீர்வு

-எம்.எஸ்.எம்.நூர்தீன்

கடந்த வருடம் காத்தான்குடி மத்தியஸ்;த சபையில் முன்வைக்கப்பட்ட 620 பிணக்குகளில் 399 பிணக்குகளுக்கு தீர்வு கண்டுள்ளதாக அம்மத்தியஸ்த சபையின் தலைவர் எம்.ஐ.எம்.உசனார்; தெரிவித்தார்.

இதேவேளை,25 பிணக்குகள் வாபஸ் பெறப்பட்டதுடன், 196 பிணக்குகளுக்கு தீர்வு காணப்படவில்லை எனவும் அவர் கூறினார்.

நீதிமன்றம் மூலமாக 26 பிணக்குகளும் பொலிஸ் நிலையம் மூலமாக 239 பிணக்குகளும் வங்கிகளின் நிதி நடவடிக்கை தொடர்பில் 109 பிணக்குகளும் தீர்வு கண்டும் மீறி வந்த 39 பிணக்குகளும் நேரடியாக 207 பிணக்குகளும் காத்தான்குடி மத்தியஸ்த சபையில் முன்வைக்கப்பட்டன.

இதில் சிறுகாயங்கள் மற்றும் பெரும் காயங்கள் எற்படுத்தப்பட்ட பிணக்குகள் முறைகேடான சொத்;துகள் தொடர்பான பிணக்குகள், அச்சுறுத்தல் தொடர்பான பிணக்குகள், குடும்பப் பிணக்குகள், நிதி தொடர்பான பிணக்குகள் உள்ளிட்டவையே முன்வைக்கப்பட்டதாகவும் அவர் கூறினார்.