குளவி கொட்டி மாணவி உயிரிழப்பு

-ஏ.எச்.ஏ.ஹுஸைன்

மட்டக்களப்பு, ஏறாவூரில் குளவிக் கொட்டுக்குள்ளான மாணவியொருவர் இன்று வியாழக்கிழமை உயிரிழந்துள்ளதாக பொலிஸார் தெரிவித்தனர்.

சவுக்கடி கிராமத்தைச் சேர்ந்த தவபாலன் வினோஜினி (வயது 16) என்ற மாணவி, புதன்கிழமை (09) பகல் பாடசாலை முடிந்து வீடு திரும்பிக்கொண்டிருந்தார். இந்நிலையில், காட்டுப்பகுதியில் கருங்குளவிகள் இம்மாணவியை கொட்டியுள்ளன.

உடனடியாக ஏறாவூர் ஆதார வைத்தியசாலையில் அனுமதிக்கப்பட்ட இம்மாணவி, மேலதிக சிகிச்சைக்காக அங்கிருந்து மட்டக்களப்பு போதனா வைத்தியசாலைக்கு மாற்றப்பட்டார். எனினும், சிகிச்சை பலனின்றி இம்மாணவி உயிரிழந்துள்ளார்.

ஏறாவூர் கலைமகள் வித்தியாலயத்தில் இம்மாணவி கல்வி கற்று வருகின்றமை குறிப்பிடத்தக்கது.