கடைகளுக்கு லேகியம் விநியோகித்தவர் கைது

-ஏ.எச்.ஏ. ஹுஸைன்  

பொதிசெய்யப்பட்ட லேகியத்தை கடைகளுக்கு விநியோகித்த நபரொருவரை ஞாயிற்றுக்கிழமை கைதுசெய்துள்ளதுடன் அதற்கு பயன்படுத்திய வாகனத்தையும் கல்முனை பொலிஸார் கைப்பற்றியுள்ளனர்.

மொனராகலையைச் சேர்ந்த தெல்கம விதானகே சமந்த (வயது 46) என்பவரே இவ்வாறு கைதுசெய்யப்பட்டுள்ளார்.

பொலிஸாருக்கு கிடைக்கப்பெற்ற இரகசிய தகவலை தொடர்ந்து இந்நபர் கைதுசெய்யப்பட்டுள்ளதுடன் இவரிடமிருந்து போதையூட்டப்பட்ட 24 கிலோகிராம் 300 கிராம் கொண்ட 1650 லேகிய பக்கெட்டுக்களை பொலிஸார் கைப்பற்றியுள்ளனர்.

இவர் நீண்டகாலமாக லேகிய விற்பனையில் ஈடுபட்டு வந்துள்ளதாக விசாரணைகளின் மூலம் தெரியவந்துள்ளது.
இந்நபரிடம் பொலிஸார் மேலதிக விசாரணைகளை மேற்கொண்டு வருகின்றனர்.