கணினி வன்பொருள் பயிற்சி நெறி

-வா.கிருஸ்ணா

மண்முனை தென் எருவில்பற்று பிரதேச செயலகத்தின் ஏற்பாட்டில் நேற்று திங்கட்கிழமை களுதாவளையில் விதாதா வள நிலையத்தில் கணினி வன்பொருள் பயிற்சி நெறி ஆரம்பமாகியது.

மூன்று தினங்கள் நடைபெறவுள்ள இப் பயிற்சி நெறியின் முடிவில் சான்றிதழ் வழங்கப்படவுள்ளமையும் குறிப்பிடத்தக்கது.

இப்பயிற்சி நெறியில் மண்முனை தென் எருவில் பற்று கிராம சேவகர் பிரிவில் உள்ள இளைஞர், யுவதிகள் கலந்து கொண்டனர்.

வேலையற்ற நிலையில் உள்ள இளைஞர்கள் தொழில்வாய்ப்புகளை பெற்றுக்கொள்ளும் வகையில் இவ்வாறான பயிற்சி நெறிகள் மேற்கொள்ளப்பட்டுவருவதாக களுதாவளையில் விதாதா வள நிலையத்தின் பொறுப்பதிகாரி எஸ்.தர்சன் தெரிவித்தார்.