சிறுபோக பயிர்ச் செய்கை ஆரம்பக் கூட்ட திகதிகள் மாற்றப்பட்டுள்ளன

-கே.எல்.ரி.யுதாஜித்

மட்டக்களப்பு மாவட்டத்தில் இவ்வருடத்துக்கான சிறுபோக பயிர்ச்செய்கைதொடர்பாக, 23ஆம் திகதி முதல் 29ஆம் திகதி வரை நடைபெற இருந்த கூட்டங்கள் எதிர்வரும் 29ஆம் திகதி முதல் முதல் மார்ச் 03ஆம் திகதி வரை நடைபெறவுள்ளதாக மாவட்ட செயலகம் அறிவித்துள்ளது.

இதன்படி, கோரளைப்பற்று வடக்கு பிரதேச செயலாளர் பிரிவுக்குட்பட்ட கட்டுமுறிவு, சிறய நீர்ப்பாசனத்திட்டங்கள், மதுரங்கேணி, கிரிமிச்சை, சிறிய நீர்ப்பாசனத் திட்டங்களுக்கான கூட்டம் எதிர்வரும் 29ஆம் திகதி காலை 9.30 மணிக்கு வாகரையிலுள்ள பிரதேச செயலக மண்டபத்தில் நடைபெறும்.

இதேவேளை, கோரளைப்பற்று தெற்கு பிரதேச செயலாளர் பிரிவுக்குட்பட்ட வாகனேரி, புணானை, தரவை, வடமுனை, சிறிய நீர்ப்பாசனத்திட்டங்களுக்கான ஆரம்பக்கூட்டம், 29ஆம் திகதி மாலை 2 மணிக்கு கிரானிலுள்ள றெஜி கலாசார மண்டபத்தில் நடைபெறும் என்று மாவட்ட செயலகத்தினால் அறிவிக்கப்பட்டுள்ளது.

மேலும், போரதீவுபற்று பிரதேச செயலாளர் பிரிவுக்குட்பட்ட  நவகிரி, தும்பங்கேணி, சிறிய நீர்ப்பாசனத்திட்டங்களுக்கான கூட்டம் மார்ச் 01ஆம் திகதி செவ்வாய்க்கிழமை காலை 9.30 மணிக்கு வெல்லாவெளியிலுள்ள போரதீவுப்பற்று பிரதேச செயலக மண்டபத்தில் நடைபெறும்.

அதேதினம் மாலை 2 மணிக்கு மண்முனை தென்மேற்கு பிரதேச செயலாளர் பிரிவுக்குட்பட்ட கடுக்காமுனை, புழுக்குணாவி, அடைச்சகல், சிறிய நீர்ப்பாசனத் திட்டங்களுக்கான கூட்டம் கொக்கட்டிச்சோலை கலாசார மண்டபத்தில் நடைபெறும்.

மண்முனை மேற்கு பிரதேச செயலாளர் பிரிவின் உன்னிச்சை, சிறிய நீர்ப்பாசனத் திட்டங்களுக்கான ஆரம்பக் கூட்டம் மார்ச் மாதம் 03ஆம் திகதி வியாழக்கிழமை காலை 9.30 மணிக்கு பிரதேச செயலக மண்டபத்தில் நடைபெறும்.

மாலை 2 மணிக்கு ஏறாவூர் பற்று பிரதேச செயலாளர் பிரிவுக்குட்பட்ட உறுகாமம், கித்துள், வெலிக்காகண்டி, சிறிய நீர்ப்பாசனத்திட்டங்களுக்கான கூட்டம் பிரதேச செயலக மண்டபத்தில் நடைபெறும்.