Suganthini Ratnam / 2017 ஏப்ரல் 23 , மு.ப. 05:01 - 0 - {{hitsCtrl.values.hits}}
-ஏ.எச்.ஏ.ஹுஸைன்
சமூகவிரோதச் செயல்களை ஒழிப்பதற்கு சகலரையும் ஒத்துழைப்பு வழங்குமாறு சமுதாயப் பொலிஸ் பிரிவு வேண்டுகோள் விடுத்து, கொக்கட்டிச்சோலையில் இன்று (23) துண்டுப்பிரசுரங்களை விநியோகித்துள்ளது எனப் பொலிஸார் தெரிவித்தனர்.
அத்துண்டுப்பிரசுரங்களில் தெரிவிக்கப்பட்டுள்ளதாவது, 'பழம்பெரும் வரலாற்றையும் சிறப்பான கலை, கலாசார, பண்பாட்டு மரபுவழி விதிமுறைகளையும் தன்னகத்தே கொண்ட கொக்கட்டிச்சோலையில் தற்போது சமூகவிரோதச் செயல்கள் இடம்பெறுகின்றன. இவை இப்பிரதேசத்தின் பெருமைகளைச் சீர்குலைத்து வீழ்ச்சிப் பாதைக்கு இட்டுச் செல்லும்.
இப்பிரதேசத்தில் அதிகரித்துள்ள மதுபானப் பாவனை, கள்ளச்சாராய உற்பத்தி மற்றும் பாவனை, இளவயதுத் திருமணம், குடும்ப வன்முறைகள், வீண் சச்சரவுகள் என்பவற்றால் சீரழிவுகள் ஏற்பட்டுள்ளன.
வறுமைக் கோட்டுக்கு கீழுள்ள மக்கள் சில நுண்கடன் வழங்கும் நிறுவனங்களால் கவரப்பட்டு, கடன் பெற்று, பின்னர் அவற்றை மீளச் செலுத்த முடியாது திண்டாடி தன்மானத்தை இழந்து உளத்தாக்கத்தோடு அலைகிறார்கள்.
இவற்றைத் தடுப்பதில் எல்லோரும் அக்கறை காட்ட வேண்டும்.
தங்களின் பிள்ளைகளுக்கு பாடசாலைக் கல்வியில் அக்கறை காட்ட வேண்டும்.
மாணவர்கள், நோயாளிகளுக்கு இடையூறு விளைவிக்காத வகையில் தொலைக்காட்சி, இசைக்கருவி, வானொலியைப்; பயன்படுத்த வேண்டும்,
நஞ்சற்ற மரக்கறிகளை உற்பத்தி செய்து பயன்படுத்த வேண்டும்,
தமிழர் பண்பாடுகளைப் பிரதிபலிக்கும் வகையில் ஆடை அணிய வேண்டும்,
மதுபோதையில் ஆலயங்கள் மற்றும் பாடசாலைகளுக்கு அருகில் இடையூறு செய்வோரை சட்டத்தின் முன் நிறுத்துவதற்கு உதவுதல்,
புதிய நபர்கள் கிராமத்துக்கு வந்து தங்கியிருக்கும்போது, அது பற்றி முன்னதாக கிராம சேவையாளருக்கும் பொலிஸாருக்கும் அறிவித்தல் வேண்டும் என்பன உள்ளிட்ட இன்னும் பல விடயங்களில் பொது விடயங்களில் பொதுமக்கள் கரிசனை காட்ட வேண்டும்' எனத் தெரிவிக்கப்பட்டுள்ளது.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
