சிறந்த விளைச்சலில் சோளம் செய்கை

மட்டக்களப்பு மாவட்டத்தில் இம்முறை 3,750 ஏக்கரில் சோளம் செய்கை பண்ணப்பட்டுள்ளதாக, மாவட்ட விவசாயத் திணைக்களம் தெரிவித்துள்ளது.

இம்மாவட்டத்தின நெற்செய்கைக்கு அடுத்த படியாக செய்கை பண்ணப்படும் உப உணவுப் பயிர்ச்செய்கையான சோளம் செய்கை, இம்முறை நல்ல விளைச்சலைத் தந்திருப்பதாக சோளம் செய்கையாளர்கள் தெரிவிக்கின்றனர்.

கொக்கட்டிச்சோலை, வவுணதீவு, கிரான், செங்கலடி, களுவாஞ்சிக்குடி ஆகிய பிரதேச செயலகப்பிரிவுகளில் சோளம் அதிகமாகப் பயிரிடப்படுகின்றன.

மாவட்டத்தின் அதிகமான இடங்களில் சோளக்கதிர்கள் விற்பனை செய்யப்பட்டு வருகின்றன. 100 ரூபாய்க்கு 10 சோளம் கதிர்கள் விறபனையாவதை அவதானிக்க முடிகின்றது.