சுகயீனமாக அனுமதிக்கப்பட்ட சிசு மரணம்

-ஏ.எச்.ஏ. ஹுஸைன், எம்.எஸ்.எம்.நூர்தீன்

காத்தான்குடி சுகாதார வைத்திய அதிகாரிப் பிரிவிலுள்ள, மஞ்சந்தொடுவாய் கிராமத்தைச் சேர்ந்த, 3 மாதங்களேயான பெண் சிசுவொன்று, சகயீனம் காரணமாக வைத்தியசாலையில் அனுமதிக்கப்பட்ட சில மணித்தியாலங்களில் மரணமடைந்துள்ளதாக காத்தான்குடி பொலிஸார் தெரிவித்தனர்.

பாத்திமா ஷெ‪ய்னப் என்ற, பிறந்து 3 மாதங்களேயான இக்குழந்தை, சுகயீனம் காரணமாக இன்று (03) காலை, காத்தான்குடி ஆதார வைத்தியசாலையில் அனுமதிக்கப்பட்ட சற்று நேரத்தில் மரணித்து விட்டதாக வைத்தியசாலையில் தெரிவிக்கப்பட்டது.

இக்குழந்தை என்ன நோயினால் பீடிக்கப்பட்டிருந்தது என்பது குறித்து ஆராய்ந்து வருவதாக வைத்தியசாலையில் மேலும் தெரிவிக்கப்பட்டது.