தேக்குக்குற்றிகளுடன் இருவர் கைது

-ஏ.எச்.ஏ.ஹுஸைன்

மட்டக்களப்பு, சந்தனமடு ஆற்றை அண்டியுள்ள காட்டுப்பகுதியிலிருந்து சட்டவிரோதமாக ஏற்றிக் கொண்டுவரப்பட்ட  தேக்கு மரக்குற்றிகளுடன் இரு சந்தேக நபர்களை இன்று வெள்ளிக்கிழமை கைதுசெய்துள்ளதுடன், உழவு இயந்திரத்துடன் 10 அடி நீளமான 18 மரக்குற்றிகளையும் கைப்பற்றியுள்ளதாக பொலிஸார் தெரிவித்தனர்.

சட்டவிரோதமான முறையில் மரங்கள் கடத்தப்படுவதாக பொதுமக்களிடமிருந்து கிடைத்த தகவலையடுத்து, குறித்த பகுதியில் மறைந்திருந்து இச்சந்தேக நபர்களைக் கைதுசெய்துள்ளதாகவும் பொலிஸார் கூறினர்.
சந்தேக நபர்களிடம் பொலிஸார் விசாரணைகளை மேற்கொண்டு வருகின்றனர்.