தனியார் கல்வி நிலையத்தில் தீ விபத்து

வா.கிருஸ்ணா

 மட்டக்களப்பு பொலிஸ் பிரிவுக்குட்பட்ட  தாமரைக்கேணி  பகுதியிலுள்ள   தனியார்  கல்வி நிலையத்தில் வெள்ளிக்கிழமை (19) பிற்பகல் ஏற்பட்ட தீ விபத்தில், தளபாட பொருட்களும் ஆவணங்களும் எரிந்து நாசமாகியுள்ளன.

தீ பரவிய வேளையில்  மற்றுமொரு அறையில் மாணவர்கள் கல்விப் பயின்றுகொண்டு இருந்துள்ளனர். இதில் யாருக்கும் எவ்வித பாதிப்பும் ஏற்படவில்லை.  தீயினை ஆசிரியரும்  மாணவர்களும் இணைந்து கட்டுப்பாட்டுக்குள் கொண்டுவந்துள்ளனர்.

தீக்கான காரணம் குறித்து ஆசிரியரிடம் வினவிய போது, 'விளக்கு ஏற்றி  வைத்திருந்தோம்.  இந்த விளக்கில் இருந்த திரியை  எலி  கொண்டுச் போய் ஆவணங்களின்; மேல் போட்டிருக்கலாம். இதனாலேயே இந்த தீ விபத்து இடம்பெற்றுள்ளது என தெரிவித்தார் .