நிவாரணம் வழங்கிவைப்பு

ஏ.எச்.ஏ. ஹுஸைன்

மட்டக்களப்பு, வாகரைப் பிரதேச செயலகப் பிரிவிலுள்ள ஒதுக்குப் புறக் கிராமமான ஓமடியாமடுவில் வசிக்கும் மக்களுக்கு உலருணவு நிவாரணப் பொருள்கள் வழங்கி வைக்கப்பட்டுள்ளதாக, பிரதேச செயலாளர் எஸ். கரன் தெரிவித்தார்.

அவுஸ்திரேலிய மருத்துவ உதவிக்கான நிதியத்தின் நிதி அனுசரணையுடன்,  விவேகானந்த சமுதாய நிறுவனம், இந்த உலருணவுப் பொதிகளை வழங்கியிருந்தது.

கிராம மக்களிடம் நிவாரணப் பொருள்களை கையளிக்கும் நிகழ்வு, வாகரை பிரதேச செயலாளர் எஸ். கரன் தலைமையில், ஓமடியாம்மடு கிராம சனசமூக மண்டபத்தில் நேற்று (27) நடைபெற்றது.

பிரதேச செயலகத் திட்டமிடல் உதவிப் பணிப்பாளர் ஏ. சுதாகரன், விவேகானந்த சமுதாய நிறுவனத்தின் நிறைவேற்றுப் பணிப்பாளர் கே. பிரதீஸ், தகவல் திணைக்கள மாவட்ட ஊடகப் பொறுப்பதிகாரி வடிவேல் ஜீவானந்தன், பொதுமக்கள் எனப் பலரும் இந்நிகழ்வில் கலந்துகொன்டனர்.