நெத்தலிக் கருவாடுக்கு கிராக்கி

மட்டக்களப்பு மாவட்டத்தில் வரட்சியான வானிலை நீடிப்பதையடுத்து, நெத்தலிக் கருவாடு உற்பத்தியில் பெரும் எண்ணிக்கையிலான மீனவர்கள் ஈடுபட்டு வருகின்றனர்.

தற்போதைய வானிலை காரணமாக தினமும் அதிகளவிலான நெத்தலி மீன்கள் பிடிபடுவதால் அவற்றை கருவாடாக மாற்றி, வெளிநாடுகளுக்கு ஏற்றுமதி செய்யும் நடவடிக்கைகளில் உள்ளூர் வர்த்தகர்கள் ஈடுபட்டுள்ளதாகவும் மீனவர்கள் தெரிவிக்கின்றனர்.

நாவலடி, வாகரை, ஏத்துக்கால், பூநொச்சிமுனை, களுவாதளை  உட்பட பல கரையோரப் பிரதேசங்களில் குறித்த நெத்தலிக் கருவாடு உற்பத்தி செய்யும் நடவடிக்கைகள் இடம்பெற்று வருகின்றன.

மொத்த வியாபாரிகளுக்கு ஒரு கிலோகிராம் நெத்திலிக் கருவாட்டை 750 ரூபாய்க்கு விற்பனை செய்கின்றனர்.

தற்போது சந்தையில் ஒரு கிலோகிராம் நெத்தலி 1,000 ரூபாய் முதல் 1,300 ரூபாய் வரை விற்பனை செய்யப்படுகின்றமை குறிப்பிடத்தக்கது.