பாதசாரியை மோதி சென்ற கார்;நால்வர் கைது

-வா.கிருஸ்ணா, எம்.எஸ்.எம்.நூர்தீன்
 
காத்தான்குடி பொலிஸ் பிரிவுக்குட்பட்ட மஞ்சந்தொடுவாய் பிரதேசத்தில் செவ்வாய்க்கிழமை (10) காலை மஞ்சள் கோட்டு கடவையில் சென்ற நபரொருவரை காரில் மோதிட்டு தப்பிச் சென்ற சம்பவம் தொடர்பில் நால்வரை கைது செய்துள்ளதாக  காத்தான்குடி பொலிஸ் நிலைய மோட்டார் போக்குவரத்து பொறுப்பதிகாரி ரி.துஸார தெரிவித்தார்.

கல்முனையிலிருந்து மட்டக்களப்பு நோக்கி வந்த இக்கார் மஞ்சந்தொடுவாய் பிரதான வீதியில் மஞ்சள் கோட்டில் ஒருவரை மோதி காயப்படுத்தி விட்டு தப்பி சென்றுள்ளது.

இதையடுத்து,பொலிஸார் அக்காரை துரத்திச் சென்று வழி மறித்து பரிசோதனை செய்த போது அதன் பின்புறத்திலிருந்து பாரியளவிலான கத்தி, பொல்லுகள், சங்கிலி, தடிகள் என்பன கைப்பற்றப்பட்டுள்ளன.

மேலும்,அக்காரை செலுத்திச்சென்ற சாரதி உட்பட நால்வரை பொலிஸார் கைது செய்துள்ளனர்.
 
கைதுசெய்யப்பட்ட நபர்களை இன்று புதன்கிழமை நீதிமன்றில் ஆஜர்படுத்தப்படவுள்ளதாக பொலிஸார் தெரிவித்தனர்.