பாலியல் துஷ்பிரயோகக் குற்றச்சாட்டில் ஒருவர் கைது

-எம்.எஸ்.எம்.நூர்தீன்

ஏழு வயதுச் சிறுவன் ஒருவனை பாலியல் துஷ்பிரயோகத்துக்கு உட்படுத்திய குற்றச்சாட்டின் பேரில் மட்டக்களப்பு, காத்தான்குடிப் பொலிஸ் பிரிவில்; 18 வயதுடைய சந்தேக நபரை இன்று செவ்வாய்க்கிழமை கைதுசெய்துள்ளதாக பொலிஸார் தெரிவித்தனர்.

கடந்த ஞாயிற்றுக்கிழமை (14) கோவிலுக்குச் சென்றுகொண்டிருந்த இச்சிறுவனை வழிமறித்து காட்டுப்பகுதிக்கு அழைத்துச்சென்று சந்தேக நபர் பாலியல் துஷ்பிரயோகத்துக்கு உட்படுத்தியுள்ளார்.

இது தொடர்பில் பெற்றோரிடம் குறித்த சிறுவன் தெரியப்படுத்தியதை அடுத்து, பொலிஸ் நிலையத்தில் பெற்றோர் முறைப்பாடு செய்துள்ளனர். இதனை அடுத்து, விசாரணை மேற்கொண்டு சந்தேக நபரைக் கைதுசெய்துள்ளதுடன், குறித்த சிறுவனை வைத்தியசாலையில் அனுமதித்துள்ளதாக பொலிஸார் தெரிவித்தனர்.

குறித்த சிறுவனுக்கு 25 ரூபாய் பணமும் பிஸ்கட் பக்கெட்டும்  வழங்கி சந்தேக நபர் பாலியல் துஷ்பிரயோகத்துக்கு உட்படுத்தியதாக விசாரணையில் தெரியவந்துள்ளதாகவும் பொலிஸார் கூறினர்.