பயிர்களை நாசம் செய்த 50 மாடுகள் பிடித்து கட்டிவைப்பு

எம்.எம்.அஹமட் அனாம்

வாழைச்சேனை கமநல சேவை திணைக்களத்துக்கு உட்பட்ட வாகனேரி முள்ளிவட்டவான் விவசாய கண்டத்தில், விவசாயச் செய்கையை துவம்சம் செய்த மாடுகளை, விவசாயிகள் பிடித்து கட்டிவைத்துள்ளனர்.
இச்சம்பவம் இன்று (15) இடம்பெற்றுள்ளது.

முள்ளிவட்டவான் விவசாய கண்டத்தில், நாற்பதுக்கும் மேற்பட்ட ஏக்கரில் விவசாயச் செய்கை மேற்கொள்ளப்பட்டு வருகிறது.

இந்நிலையில், சுமார் மாடுகள் விவசாய நிலத்துக்குள் புகுந்து, பயிர்களை நாசம் செய்துள்ளன.

இதனால் ஆத்திரமடைந்த விவசாயிகள், ஐம்பது மாடுகளைப் பிடித்து கட்டி வைத்துள்ளனர். 

சம்பவ இடத்துக்கு கிராம அதிகாரி வருகை தந்து, விவசாயிகள், மாடு உரிமையாளர்களுடன் கலந்துரையாடியதைத் தொடர்ந்து இருசாராருக்கும் இடையில் பிரச்சினை ஏற்படுவது தவிர்க்கப்பட்டது.