மட்டு. சிறைக்கைதிகளுக்கு தியான பயிற்சி

-எம்.எஸ்.எம்.நூர்தீன்

பௌர்ணமி தினத்தையொட்டி சிறைச்சாலைகள் திணைக்களம் உலக வாழும் கலைகள் நிறுவனத்துடன் இணைந்து ஏற்பாடு செய்த மட்டக்களப்பு சிறைச்சாலையிலுள்ள சிறைக்கைதிகளுக்கான ஒரு நாள் தியான பயிற்சி முகாம் இன்று காலை சிறைச்சாலை அத்தியட்சகர் பீ.எம்.அக்பர் தலைமையில் நடைபெற்றது.

இதில்,மட்டக்களப்பு மாவட்ட மேல் நீதிமன்ற நீதிபதி திருமதி. சந்திரமணி சிவபாதம் பிரதம அதிதியாகவும் சிறைச்சாலை பிரதம ஜெயிலர் ஆர்.பிரபாகரன், வாழும் கலைகள் நிறுவன மட்டக்களப்பு மாவட்ட பணிப்பாளர் சட்டத்தரணி கே.சிவநாதன் உட்பட பலர் கலந்துகொண்டனர்.

இதன்போது,உலக வாழும் கலைகள் நிறுவன இலங்கைக்கான வதிவிட பிரதிநிதி தென்னியந்தியாவைச் சேர்ந்த கணேஸ் குருஜீ தியானப் பயிற்சியை நடத்தி வைத்தார்.