மரக்குற்றிகள் கைப்பற்றல்: ஒருவர் கைது

-எம்.எம்.அஹமட் அனாம்

மட்டக்களப்பு, கிரான் பிரதேச செயலாளர் பிரிவுக்குட்பட்ட வாகனேரிக் கிராமத்தில் திங்கட்கிழமை அதிகாலை சட்டவிரோதமாகக் கொண்டுவரப்பட்ட மரக்குற்றிகளுடன், ஒருவரைப் பொலிஸார் கைதுசெய்துள்ளனர்.  

அக்குரானை காட்டுப்பகுதியில் சட்டவிரோதமான முறையில் மரங்கள் வெட்டப்படுவதாக வாழைச்சேனை பொலிஸாருக்கு கிடைத்த இரகசிய தகவலையடுத்து, அப்பிரதேசத்தில் தேடுதல் நடவடிக்கையில் ஈடுபட்டபோது, இந்த மரக்குற்றிகள் கண்டுபிடிக்கப்பட்டன.

ஓட்டமாவடியிலுள்ள மர ஆலைக்கு கொண்டுவரப்படவிருந்த  நிலையிலேயே இம்மரக்குற்றிகள் கண்டுபிடிக்கப்பட்டன.
எட்டு அடி தொடக்கம் பனிரெண்டு அடிவரையான பத்து (10) மதுரை, தேக்கு மரக்குற்றிகளே கைப்பற்றப்பட்டதாகப் பொலிஸார் தெரிவித்தனர்.