மாகாண கல்வியமைச்சின் செயலாளர் இடமாற்றம்

சகா, எப்.முபாரக், ஒலுமுதீன் கியாஸ் 

கிழக்கு மாகாண கல்வி கலாசார விளையாட்டு இளைஞர் விவகார முன்பள்ளி அமைச்சின் செயலாளர் எல்.கே.ஜி.முத்துபண்டா, மாகாண வீதி அபிவிருத்தி அமைச்சுக்கு இடமாற்றப்பட்டுள்ளார்.

கிழக்கு மாகாண கல்வியமைச்சின் செயலாளராக முத்துபண்டா 2 வருடங்கள் 8 மாதங்கள் சேவையாற்றியிருக்கிறார்.

அவருக்கான பிரியாவிடை, திருகோணமலையிலுள்ள மாகாண கல்வியமைச்சில் நேற்று (04) நடைபெற்றது.

மாகாண கல்வியமைச்சின் சிரேஸ்ட உதவிச் செயலாளர் தா.சித்திரவேல், கலாசாரத் திணைக்களப் பணிப்பாளர் ச.நவநீதன் உள்ளிட்ட உயரதிகாரிகள், அமைச்சின் உத்தியோகத்தர்கள் எனப் பலரும் இந்நிகழ்வில் கலந்துகொண்டனர்.

பிரியாவிடைபெறும் செயலாளர் முத்துபண்டாவின் சேவை குறித்து பலரும் உரையாற்றியதுடன், நினைவுப் பரிசுகளும் அவருக்கு வழங்கப்பட்டன.