முபீனுக்கு நியமனம்

ஸ்ரீ லங்கா முஸ்லிம் காங்கிரஸின் மாவட்ட மத்திய குழுக்களைப் புனரமைப்பு செய்வதற்கான தீர்மானம், ஸ்ரீ லங்கா முஸ்லிம் காங்கிரஸின் உயர்பீடக் கூட்டத்தில், நேற்று (25) நிறைவேற்றப்பட்டது.

நாடு முழுவதிலும், கிராம மட்டத்திலிருந்தே கட்சியை மீள் புனரமைப்புச் செய்வது தொடர்பில், இதன்போது விசேடமாக ஆராயப்பட்டது.

இதன் முதற்கட்டமாக, மாவட்ட மத்திய குழுக்களைப் புனரமைத்து, பின்னர் அதனைத் தொடர்ந்து கிராம மட்டத்தில் கட்சியைப் புனரமைத்தல் என்ற தீர்மானம் நிறைவேற்றப்பட்டது.

மேற்படி தீர்மானத்துக்கமைய, மட்டக்களப்பு மாவட்டத்தில் கட்சியை புனரமைப்பதற்கான ஏற்பாட்டாளராகவும் ஒருங்கிணைப்பாளராகவும், கட்சியின் தேசிய கொள்கை பரப்புச் செயலாளரும் முன்னாள் மாகாண சபை உறுப்பினருமான யு.எல்.எம்.என். முபீன் நியமிக்கப்பட்டுள்ளார்.