விபத்தில் சிறுவன் படுகாயம்

-ஏ.எச்.ஏ. ஹுஸைன்

மட்டக்களப்பு, காத்தான்குடியில் வானும் மோட்டார் சைக்கிளும் மோதி விபத்துக்குள்ளானதில் சிறுவன் படுகாயமடைந்து வைத்தியசாலையில் அனுமதிக்கப்பட்டுள்ளதாகக் காத்தான்குடிப் பொலிஸார் தெரிவித்தனர்.

காத்தான்குடி-01 முதியோர் இல்ல வீதியில் இன்று ஞாயிற்றுக்கிழமை (21) பிற்பகல், இவ்விபத்து இடம்பெற்றுள்ளது.

இதில் மோட்டார் சைக்கிளின் பின் ஆசனத்திலிருந்து பயணித்த 9 வயதுடைய சிறுவனே படுகாயமடைந்த நிலையில் காத்தான்குடி ஆதார வைத்தியசாலையில் அனுமதிக்கப்பட்டுள்ளார்.

இச்சம்பவம் பற்றி பொலிஸார் விசாரணைகளில் ஈடுபட்டுள்ளனர்.