வடிகானை துப்புரவு செய்யுமாறு வேண்டுகோள்

-ஏ.எச்.ஏ.ஹுஸைன்

காத்தான்குடி கடைத்தெரு வடிகான் நீண்டகாலமாக துப்புரவு செய்யப்படாத நிலையில்  நுளம்புப் பெருக்கம் காணப்படுவதாக கடைத்தெரு வர்த்தகர்கள் தெரிவித்தனர்.

இந்த வடிகானில்; கழிவு நீருடன் பேணிகள், பிளாஸ்டிக் கொள்கலன்கள், பொலித்தீன் பைகள், இளநீர்க்; கோம்பைகள் உட்பட பல்வேறு கழிவுப்பொருட்கள் காணப்படுகின்றன. இது தொடர்பில் சம்பந்தப்பட்ட தரப்பினர் உடனடியாக கவனத்திற்கொண்டு இந்த வடிகானை துப்புரப்படுத்துவதற்கு நடவடிக்கை எடுக்க வேண்டுமென பொதுமக்கள் வேண்டுகோள் விடுத்துள்ளனர்.

இது தொடர்பில் காத்தான்குடி பதில் பிரதேச செயலாளர் எஸ்.எல்.முஹம்மது ஹனீபாவிடம் இன்று ஞாயிற்றுக்கிழமை கேட்டபோது, 'இந்த வடிகானை துப்புரவு செய்வதற்கான நடவடிக்கை எடுக்கப்படும்' எனத் தெரிவித்தார்.